Testo di G. Pisano, musica di G. Cioffi.
Quanno vien'a 'appuntamento
guarde 'o mare, guard''e ffronne,
si te parlo nun rispunne,
staje distratta comm'a che.
Io te tengo dint''o core,
sóngo sempe 'nnammurato
ma tu, invece, pienze a n'ato
e te staje scurdanno 'e me
Quanno se dice: "Sí!"
tiènelo a mente
Nun s'ha da fá murí
nu core amante
Tu mme diciste: "Sí!" na sera 'e maggio
e mo tiene 'o curaggio 'e mme lassá?!
St'uocchie tuoje nun só' sincere
comm'a quanno mme 'ncuntraste,
comm'a quanno mme diciste:
"Voglio bene sulo a te "
E tremmanno mme giuraste,
cu na mano 'ncopp''o core:
"Nun se scorda 'o primmo ammore! "
Mo te staje scurdanno 'e me
Quanno se dice: "Sí!"
"Na sera 'e maggio" è una canzone napoletana scritta nel 1937 dal direttore d'orchestra e compositore Giuseppe Cioffi e dal paroliere e attore Gigi Pisano; fu l’ultimo grande successo che si diffuse da Napoli prima dello scoppio della seconda guerra mondiale.
